Зүрх сэтгэлээрээ биш
Харцаараа амьдарч үзэхсэн
Зөрж өнгөрөх харц бүхнээр гоёхсон
Хэний ч шуналын өмнө
Хүслээ нууж шалигтахсан
Хэтэрхий үнэнч амьдарсаар байгаад
Хэврэг нэгэн зүрхтэй л хоцорлоо

 Түг түг...тог тог...Байж байгаараа зүрх цохилсон уу эсвэл зүрхний хаалгыг хэн нэгэн тогшив уу?
     Гудамжаар би арван тавны сар шиг л амгалан хийгээд гэрэлтэн алхана. Зөрж өнгөрсөн хүн ярвайж надруу харсан ч инээд хүрээд л. Амьдрах сайхан юм аа. Алган дээр баяр хөөр асгараад л.      
     Хүн болж төрөх бүр ч гайхамшиг юм аа. Хэрэгтэй хэрэггүй хамаагүй элдэв зүйл эвлүүлж бодоод л. Инээж бас уйлаад л. Хайрлаж, хайрлуулж дурлаад л. Эмэгтэй хүн болж төрөх бүүүүүүүүүр ч гайхамшигтай юм гээч. Ээж шигээ сайхан ээж болно гэж бодхоор л аазгай төрөөд л. Ирээдүйгээ мөрөөдөөл. Эхлэх гэж л байгаа юм шиг ...

     Нуугаад яах вэ яг одоо би бүлэмцүү байна. Нулимсаа хүртэл нуусаар байтал залхаж гүйцлээ. Балиар согтуу үг гээд уншихгүй орхино уу согтуу хүн сохор ухаантай гээд уншина уу хамаа алга би зүгээр л хүссэнээ бичмээр байна. Ямартаа ч би өөрөө согтуу хүний үг ямар нэгэн хачиргүй шалдан үнэн байдаг гэдгийг ойлгодогтоо баярламаар ч юм шиг. Согтлоо гээд утсаа шүүрч хэн нэгэнрүү  санаа алдан залгахгүй, Өчигдөр би яасан гэж хэн нэгнээс сохор асуулт асуухгүй ухаанаа аргамжихтайгаа л байна.
     Толгойн дотор түймэр асаад сэтгэлийн гүнд үер буугаад. Яагаад байгаа юм бүү мэд ээ. Яг зүрхний минь шархираа ...

Үнсэн саарал амьсгалых нь цаана
Мөрөөдөл нурж байсан
Өнөөдөр л хурдхан амжиж
Дөнгө цоожийг нь ав
     Дэнлүү зүүсэн нүднийх нь цаана
     Дурсамж сэдэрч байсан
     Орой болохоос урьтаж
     Бодлыг нь хүлээд орхи
Ув улаан шуналых нь цаана
Гутрал дэлбээлж байсан
Ууж жаргахаас нь өмнө
Зүрхийг нь сугалаад өг
     Дахиж санахгүй болтол нь
     Архийг нь согтоох юмсан

...

Үзэг минь
Бэхээрээ уйлж байна
     Үнэнээ нуугаагүйн чинь төлөө
     Баярлан уйлав
     Үргэлж хайр гуйлгачилсаны чинь төлөө
     Анх удаагаа тайвшран уйлав
Үзэг минь бэхээрээ
Би чамд хайртай гэж уйлж байна

Үнэр чинь ямар гээч
Яг л анхны бороо шиг
Үгүйлхээрээ би 
Учиргүй үгүйлдэг
     Халамж чинь ямар гээч
     Яг л анхны яргуй шиг
     Санахаараа би 
     Бэтгэртлээ санадаг
Үнсэлт чинь ямар гээч
Яг л анхны цасны ширхэг шиг
Хүсэхээрээ би
Өөрийгөө мартан хүсдэг
     Дурлал чинь ямар гээч
     Яг л анхны үнсэлт шиг
     Дурсахаараа би 
     Зүрхээ тасчин дурсдаг
Үг чинь ямар уярмаар гээч
Яг л үүрдийн хайр шиг
Сонсхоороо би 
Согтотлоо сонсдог
     Хүсэх чинь ямар атаархмаар гээч
     Яг л мансууруулах бодис шиг
     Хүсэхээрээ би 
     Сэтгэлээ хууран хүсдэг
Хайр чинь ямар үнэн гээч
Яг үхэх төрөх шиг
Хайрлахаараа би 
Цусаа ур...

     Шөнө болсон байгааг мэдэж байна л даа. Гэхдээ л үүрийн сэргэлэн болжмор шиг сэтгэл гэгэлзээд...Нөгөө Энхзул гавъяатын дуулдаг "Сэнгэнэтэл сайхан дуулмаар ч юм шиг
 Сэтгэлээ онгойтол уйлмаар ч юм шиг... Нэг л тогтворгүй байх чинь"...да да да гэдэг шиг л байна. Ингэхэд өнөөдөр ямар ч урт өдөр байв даа. Юу юу ч болоод өнөгвөр бүү мэд. Үүрээр таван цагт босоод усанд орж байснаа, долоон цагт автобусанд суугаад явж байснаа, есөн цагт ёслолын жагсаалд оролцоод явж байснаа л сайн санаж байна.
     За тэгээд л арван нэгэн цаг гучин минутад өдрийн хоолоо идэх гээд хэсэг нөхдийн хамт зоогийн газар су...

    
      Хэрэг хуучирдаггүй гэдэг дээ. Би хамгийн дотны хүмүүсдээ нилээд их гомдолтой байдгаа гэнэт нэхэн санаад. Тэгээд ойрын хугацаанд уулзаж гомдлоо тайлах гэж бодсон авч тэр хүмүүсээсээ асар хол зайд байгаа учир гомдолоо тайлах нэгэн мэдэгдэл хүргүүлж байна. Энэхүү мэдэгдэлийг хүлээн авах ёстой тэдгээр хүмүүс бол миний хоёр ах мөн нэг эгч нар юм.
     Тэд миний асран хамгаалагч болох аав ээжийг байхгүй хойгуур бүлэглэн насанд хүрээгүй хүүдийг гэмт хэрэгт уруу татан чихэр хулгай хийдэг байсан хийгээд учир мэдэхгүй мөн чихрэнд дуртай сул талыг маань овжиноор ашиглан миний гараар могой бариул...

Үргэн үсчих шувуудын

Далавчны шуугианд согтоод

Урсан өнгөрөх усны

Нялуун үнэрт дургүйцээд

          Чийгтэн өмхөрөх моддын

          Үхэх өнгөнд баясаад

Чичрэн амьсгалах чиний

Хүсэл тачаалд уусаад

          Өөрийгөө мартсан өнөөдрийн

          Хором бүрт жаргал амтлаад

Үргэлжлүүлэн дахиад л

Мансуурахыг хамгаас илүү хүснэм

Шархирч шархирч салхи
Сая арайхын сэрчигнэхэд
Салж чадахгүй
Мододдоо хоргодсон навчис
Санаа алдаж ч амжилгүй
Миний өмнө уналаа